Практичната обука за „А1“, „А2“ и „А“ категорија се состои од 16 наставни часа. Наставниот план и програма  за спроведување на обуката, предвидува најмалку четири наставни часа на автодром-полигон и 12 наставни часа на пат надвор и во населено место. Спроведувањето на практичната обука се изведува од страна на возач-инструктор.

     Почетното оспособување на полигон служи кандидатот да се запознае  со основните карактеристики на возилото (мотоциклот), главните уреди на возилото, како и светлосно-сигналните уреди на инструмент таблата. Преку полигонските вежби, кандидатот се стекнува со техниката на управувањето со мотицклот, начинот на држење на телото за оддржување стабилност и правец при движење со возилото. Доколку инструкторот процени дека на кандидатот не му се доволни четири н/ч, може и повеќе часови да се посвети внимание на полигон.

     Обуката за мотоцикли е специфична, поради тоа што инструкторот не може постојано да биде покрај кандидатот и да го спаси од несакана ситуација, доколку изгуби контрола над возилото. Затоа за овој тип на обука потребна е трпеливост, внимателно и со мала брзина кандидатите да управуваат со мотоциклот. Искуството и знаењето на инструкторот се многу битен фактор за кандидатот- почетник да се стекне со неопходната сигурност и потребното знаење за управување со мотоцикл од наведените категории.

     Обуката во град се изведува со претходно инсталирана аудио опрема  каде што кандидатот е на мотоциклот, а инструкторот зад него и со автомобил го следи и му дава понатамошни инструкции.  Пред  почетокот на  часот, треба убаво да се провери врската, дали кандидатот и инструкторот добро се разбираат преку аудио опремата. Умешност на инструкторот е да ја прилагоди темата за обука спрема степенот на подготвеност, која што е индивидуална за секој кандидат. Тука особено доаѓа до израз искуството на инструкторот при воведување на кандидатот во решавање на  ситуации на патишта со послаб кон поинтензивен сообраќај.  Потребна е целосна концентрација и претпазливост во текот на целиот час, при што безбедноста на кандидатот е на прво место.

     Обуката во нашата држава моментално се изведува само на мотоцикли со мануелен менувач. Имајки во предвид дека се работи за кандидати за возачи, особено е важен изборот на мотоциклот за оспособување. Мотоциклот треба да биде редовно сервисиран, со постојан надзор и контрола на исправност на основните уреди, снабден со квалитетни пневматици, да поседува ABS сопирачки ... Сите овие работи му овозможуваат на кандидатот полесна и безбедна обука во автошколата.

     Обуката во автошкола е доста обемна и доколку се изведе квалитетно, секој кандидат за возач, па и доколку е почетник кој што првпат седнува на мотоцикл, може да стекне  доволно знаење и вештина за самостојно да управува со било кој мотоцикл од категоријата, што ја полага.

Со кои проблеми најчесто се соочуваат кандидатите за возачи :

     Полагањето на практичниот дел за „А1“, „А2“ и „А“ категорија е една целина и се состои од прв и втор практичен дел (полигон и град). Доколку кандидатот положи полигон, ама не успее градска, за наредното полагање треба пак да полага полигон.